LWMC Union – Aap Ki Awaz, Aap Ka Haq!
اپنی نوکری کے تحفظ کے لیے آؤ ہمارے ساتھ چلو
LWMC Union – یونین کا مقصد
گرین کلین لیبر یونین لاہور کے صفائی کے عملے کے حقوق کے تحفظ کے لیے کام کرنے والی ایک غیر سیاسی تنظیم ہے۔ ہمارا مقصد مزدوروں کے مسائل کو حل کروانا، ان کے حالاتِ کار کو بہتر بنوانا، اور ان کے جائز حقوق کے لیے مؤثر آواز بلند کرنا ہے۔ ہم اس بات پر یقین رکھتے ہیں کہ ہر مزدور عزت و احترام کا حقدار ہے اور اسے وہ تمام سہولتیں ملنی چاہئیں جو ایک محفوظ اور بہتر کام کے ماحول کے لیے ضروری ہیں۔
ہماری یونین ان تمام ورکرز کی نمائندگی کرتی ہے۔ جو شہر کو صاف ستھرا رکھنے میں دن رات محنت کرتے ہیں۔ ہمارا یقین ہے کہ صفائی کرنے والے محنت کش ہمارے شہر کے ہیرو ہیں اور انہیں بہتر سہولیات، مناسب تنخواہ اور کام کے لیے محفوظ ماحول ملنا چاہیے۔
مزدوروں کے حقوق کا تحفظ: کسی بھی قسم کی زیادتی کے خلاف آواز بلند کرنا۔
تنخواہوں اور سہولیات میں بہتری: محنت کا پورا معاوضہ دلوانے کی جدوجہد۔
قانونی معاونت: ضرورت پڑنے پر قانونی مدد فراہم کرنا۔
صحت و تحفظ کے اقدامات: ملازمین کے لیے حفاظتی سامان اور سہولتوں کی فراہمی۔
بہتر ورکنگ کنڈیشنز: کام کے حالات میں بہتری کے لیے حکام سے بات چیت۔
Union Mission – لاہور ویسٹ مینجمنٹ کمپنی یونین کا مشن
ہم یہ چاہتے ہیں کہ ہر LWMC ورکر کو اس کا حق ملے، اسے عزت دی جائے اور اس کی محنت کا صلہ پورا ملے۔ ہم ایک ایسے نظام کے لیے کام کر رہے ہیں جہاں ہر مزدور خود کو محفوظ اور بااختیار محسوس کرے۔
اگر آپ بھی ہمارے ساتھ شامل ہونا چاہتے ہیں تو ابھی ہم سے رابطہ کریں۔
گرین کلین لیبر یونین کیوں ضروری ہے؟
انصاف اور حقوق: ایک مزدور اکیلا اپنی آواز نہیں اٹھا سکتا، لیکن ایک یونین کے ذریعے ہم سب مل کر اپنے حقوق کا دفاع کر سکتے ہیں۔
اتحاد میں طاقت ہے: جب تمام ملازمین ایک ساتھ کھڑے ہوتے ہیں تو کسی کے ساتھ زیادتی نہیں ہو سکتی۔
مسائل کا حل: تنخواہ میں اضافہ، بہتر سہولتیں اور قانونی تحفظ کے لیے ہمارا ساتھ دیں۔
تحریک کا آغاز – ہمارے کامیاب اقدامات
دو ہزار بیس (2020) میں، میٹرو بس سروس میں طویل عرصے سے کام کرنے والے سینٹری ورکرز اور سپروائزرز کو اچانک ملازمت سے برطرف کر دیا گیا۔ اس غیر منصفانہ فیصلے کے خلاف، محمد رضوان نے اپنے چند ساتھیوں کے ساتھ مل کر احتجاج کا آغاز کیا اور انتظامیہ سے مطالبہ کیا کہ برطرف کیے گئے تمام ورکرز اور سپروائزرز کو دوبارہ بحال کیا جائے۔
اس جدوجہد میں ان کے ساتھ توفیق الرحمٰن، محسن رضا، عثمان نبی، عبدالستار شاہ، عبدالجبار بٹ، محمد اشفاق اور دیگر کئی سینٹری ورکرز نے بھرپور ساتھ دیا۔ ان کی مسلسل کوششوں اور عزم کی بدولت کئی ورکرز کو دوبارہ ملازمت پر بحال کر دیا گیا۔
تحریک سے تنظیم تک
محمد رضوان اور ان کے ساتھیوں نے اس موقع پر ایک بڑا فیصلہ کیا، یہ جدوجہد یہیں ختم نہیں ہوگی! انہوں نے تہیہ کر لیا کہ وہ سینٹری ورکرز کے حقوق کے تحفظ کے لیے اپنی کوششیں مسلسل جاری رکھیں گے۔ اس تحریک نے ایک مستقل شکل اختیار کر لی اور آج یہ ایک باقاعدہ تنظیم بن چکی ہے، جو بالخصوص کنٹریکٹ پر کام کرنے والے ورکرز کے مسائل انتظامیہ کے سامنے رکھنے اور ان کے حل کے لیے جدوجہد کر رہی ہے۔
یہ تنظیم ورکرز کی غیر یقینی صورتحال، نوکری کے عدم تحفظ، تنخواہوں میں ناانصافی اور کام کے بہتر حالات کے لیے مسلسل کوشاں ہے تاکہ ہر مزدور کو اس کا جائز حق مل سکے۔
لاہور ویسٹ مینجمنٹ کمپنی یونین سے رابطہ کریں
اگر آپ بھی اپنے حقوق کے لیے کھڑے ہونا چاہتے ہیں تو آج ہی ہماری یونین کا حصہ بنیں۔
LWMC Union Affiliated With
